ဘောလုံးရာသီသစ် စတင် လာခဲ့တာ အချိန်အားဖြင့် ၁ လ ကျော်ခဲ့ ပါပြီ ။
နိုင်ငံ တကာ ပွဲစဉ်တွေ ကြားဝင် ခဲ့တာကြောင့် အခုချိန်မှ အမှတ်ပေး ပွဲစဉ် ၅ ပွဲသာ အများဆုံး ကစား ထားကြ ရပါသေးတယ် ။
ချန်ပီယံလိဂ် ၊ ယူရိုပါလိဂ် နဲ့ ကွန်ဖရန့်လိဂ် ပွဲစဉ်တွေ ၊ ပြည်တွင်း ရှုံးထွက် ပွဲတွေ ကိုပါ ထည့်တွက်မယ် ဆိုရင်တော့ တသင်းကို ၆ ပွဲ ၇ ပွဲ လောက် ကစားထားပြီး ကြပြီလို့ မှတ်ယူ ရမှာပါပဲ ။
ဘောလုံး လောက ရဲ့ အစဉ်အလာ ကြီးမားတဲ့ ရွှေဘောလုံး ( Ballon D’or ) ဆုပေးပွဲကြီး ကျင်းပဖို့ ကလည်း
လ အနည်းငယ်သာ လိုပါတော့တယ် ။
မကြာတော့တဲ့ အချိန်မှာ နောက်ဆုံး စကာတင် ၃ ဦး ရဲ့ အမည်ကို ထုတ်ပြန် ကြေညာတော့ မှာပါ ။
ဘယ်သူက ဒီနှစ် အတွက် ဆုရှင် ဖြစ်မလဲ ဆိုတာ မသိရသေးခင် မှာ ဘယ်သူတွေ ရေပန်း အစားဆုံး ဖြစ်နေလဲ ဆိုတာ လေ့လာ ကြည့်လိုက် ကြရအောင် . . .
၁၀ ။ ကာရင် ဘန်ဇီးမား ( ရီးရဲမက်ဒရစ် )
ယခင် အဆင့် – ၁၁
၂၀၂၁ စွမ်းဆောင်မှု – ၂၈ ဂိုးသွင်း ၊ ၁၁ ဂိုး ဖန်တီး
ပြီးခဲ့တဲ့ ရာသီတုန်းက ရီးရဲမက်ဒရစ် ရဲ့ အဓိကလူ ဖြစ်ခဲ့တဲ့ ဘန်ဇီးမား ဟာ ဒီရာသီသစ် မှာလည်း အကောင်းဆုံး ပုံစံကို ရရှိနေပါတယ် ။
ရီးရဲ မက်ဒရစ် ဟာ လာလီဂါ ပွဲစဉ် ၅ အပြီးမှာ အဆင့် ၁ နေရာကို ရယူထားပြီး ဘန်ဇီးမား ဟာ ၆ ဂိုးသွင်းကာ ၅ ဂိုး ဖန်တီး ပေးထားခဲ့ပါတယ် ။ ဒါကြောင့်လည်း အဆင့်တက်လာခဲ့တာပါ ။
၉ ။ ကယ်ဗင် ဒီဘရိုင်းနား ( မန်စီးတီး )
ယခင် အဆင့် – ၇
၂၀၂၁ စွမ်းဆောင်ရည် – ၁၀ ဂိုးသွင်း ၊ ၁၁ ဂိုး ဖန်တီး
အောင်မြင်မှု – ပရီးမီးယားလိဂ် ၊ ကာရာဘောင်ဖလား
မနှစ်က PFA ရဲ့ တနှစ်တာ အကောင်းဆုံး ကစားသမားဆုကို ရခဲ့ပေမယ့် ဒီရာသီ မှာတော့ ဒီဘရိုင်းနား တယောက် ပုံစံကောင်း မပြနိုင်သေးပါဘူး ။
ဘယ်လ်ဂျီယံသားဟာ ဒဏ်ရာတွေ နဲ့ ရုန်းကန် နေခဲ့ရပြီး ရွှေဘောလုံး ဆု အဆင့်မှာ ၂ ဆင့် လျော့ကျ သွားခဲ့ရ ပါတယ် ။
၈ ။ ခရစ္စတီယာနို ရိုနယ်ဒို ( မန်ချက်စတာ ယူနိုက်တက် )
ယခင် အဆင့် – ၈
၂၀၂၁ စွမ်းဆောင်ရည် – ၃၃ ဂိုးသွင်း ၊ ၄ ဂိုး ဖန်တီး
အောင်မြင်မှု – ကိုပါ အီတလီယာဖလား
မနှစ်က စီးရီးအေ ဂိုးသွင်း ဘုရင် ဖြစ်ခဲ့တဲ့ ရိုနယ်ဒို ဟာ ဒီရာသီ မှာတော့ အသင်းဟောင်း မန်ချက်စတာ ယူနိုက်တက်
ကို ပြန်ပြီး ၃ ပွဲ ကစားရာမှာ ၄ ဂိုးထိ သွင်းယူ ပေးထားနိုင်ခဲ့ ပါတယ် ။
နိုင်ငံတကာ ပွဲစဉ် ကာလ မှာလည်း အလီဒါယီ ရဲ့ ဂိုးသွင်း စံချိန် ကို ကျော်ဖြတ်ကာ စံချိန်သစ် ပိုင်ရှင် ဖြစ်ခဲ့ ပါတယ် ။ ဒါပေမယ့် ဖလားအောင်မြင်မှု ကတော့ ပြောပလောက်အောင် မရှိခဲ့ ပါဘူး ။
၇ ။ အမ်ဘာပေ ( PSG )
ယခင် အဆင့် – ၆
၂၀၂၁ စွမ်းဆောင်ရည် – ၃၃ ဂိုးသွင်း ၊ ၁၁ ဂိုး ဖန်တီး
အောင်မြင်မှု – ပြင်သစ် ရှုံးထွက် ဖလား
ရိုနယ်ဒို လိုပဲ ဘာပေ ဟာ မနှစ်က ပြည်တွင်း ရွှေဖိနပ်ဆု နဲ့ ပြည်တွင်း ရှုံးထွက် ဖလားတွေကို ရခဲ့ ပါတယ် ။
ဒါပေမယ့် အဓိက ဆုဖလားတွေ လက်လွှတ် ခဲ့ရသလို ယူရို မှာလည်း ပြင်သစ် အသင်းနဲ့ မအောင်မြင်ခဲ့ ပါဘူး ။
ရာသီသစ် အစမှာတော့ PSG အတွက် ဂိုးတွေ သွင်းပေးနေခဲ့ ပါတယ် ။ ဒါပေမယ့် အဆင့်ကျခဲ့ပါတယ် ။
၆ ။ အာလင်း ဟာလန်း ( ဒေါ့မွန် )
ယခင် အဆင့် – ၉
၂၀၂၁ စွမ်းဆောင်ရည် – ၄၁ ဂိုးသွင်း ၊ ၁၃ ဂိုး ဖန်တီး
အောင်မြင်မှု – ဂျာမန် ပိုကယ်ဖလား
မနှစ် တုန်းက ဘွန်ဒစ်လီဂါ မှာ လီဝန်ဒေါ့စကီး ရဲ့ နောက် ၊ ဒုတိယ ဂိုးသွင်း အကောင်းဆုံး ဖြစ်ခဲ့တဲ့
နော်ဝေသားလေး ဟာလန်း ဟာ ဒီရာသီ မှာလည်း သူ့ရဲ့ ကောင်းမွန်တဲ့ ဂိုးသွင်း စွမ်းရည်ကို ဆက်လက် ပြသ နေခဲ့ ပါတယ် ။
အသက် ၂၁ နှစ်သာ ရှိသေးပေမယ့် ဟာလန်း ဟာ ဒီရာသီ ဘွန်ဒစ်လီဂါ မှာ ၅ ပွဲ ကစားပြီး ၇ ဂိုးသွင်းကာ ၄ ဂိုး ဖန်တီး ပေးထားနိုင်ခဲ့ ပါတယ် ။
၅ ။ ရိုမီရို လူကာကူ ( ချဲလ်ဆီး )
ယခင် အဆင့် – ၅
၂၀၂၁ စွမ်းဆောင်ရည် – ၂၉ ဂိုးသွင်း ၊ ၈ ဂိုးဖန်တီး
အောင်မြင်မှု – စီးရီးအေ
မနှစ်က ရာသီမှာ အင်တာ မီလန် နဲ့ စီးရီးအေ အမှတ်ပေး ချန်ပီယံ ဖြစ်ခဲ့တဲ့ လူကာကူ ဟာ
ဒီရာသီ မှာတော့ အသင်းဟောင်း ချဲလ်ဆီး ထံ ပြောင်းလာခဲ့ပြီး ဂိုးတွေ ဆက်လက် သွင်းပေး နေခဲ့ ပါတယ် ။
၄ ။ အန်ဂိုလို ကန်တီ ( ချဲလ်ဆီး )
ယခင် အဆင့် – ၄
၂၀၂၁ စွမ်းဆောင်ရည် – ၁ ဂိုးသွင်း ၊ ၁ ဂိုးဖန်တီး
အောင်မြင်မှု – ချန်ပီယံလိဂ် ၊ UEFA Super Cup
ကွင်းလယ် ခံစစ်သမား တယောက်ကို တိုက်စစ်သမားတွေ နဲ့ ယှဉ်ပြီး သွင်းဂိုးတွေ ၊ ဖန်တီးမှုတွေ နှိုင်းယှဉ်လို့ မရနိုင်ပါဘူး ။
ကန်တီ ဟာ မနှစ်က ချဲလ်ဆီး ရဲ့ ချန်ပီယံလိဂ် အောင်မြင်မှုမှာ အခရာ ကျခဲ့တဲ့ ကစားသမား ဖြစ်ပြီး
ဗိုလ်လုပွဲ အပါအဝင် ပွဲစဉ် အများအပြားမှာ Man of the Match ဖြစ်ခဲ့ ပါတယ် ။
ဒီရာသီ အစမှာ ဒဏ်ရာ အနည်းငယ် ရှိခဲ့ပေမယ့် သူ ဝင် ကစားတဲ့ ပွဲတိုင်းမှာ သူ့ရဲ့ အရေးပါမှုကို ပြသ နေဆဲပဲ ဖြစ်ပါတယ် ။
၃ ။ ဂျော်ဂျင်ဟို ( ချဲလ်ဆီး )
ယခင် အဆင့် – ၃
၂၀၂၁ စွမ်းဆောင်ရည် – ၅ ဂိုးသွင်း ၊ ၂ ဂိုးဖန်တီး
အောင်မြင်မှု – ချန်ပီယံလိဂ် ၊ UEFA Super Cup ၊ ယူရို ၂၀၂၀
ကန်တီ ထက် ပိုတဲ့ ဂျော်ဂျင်ဟို ရဲ့ စွမ်းဆောင်မှု ကတော့ ယူရို ၂၀၂၀ ဖလားကြီး ပါပဲ ။
ဂျော်ဂျင်ဟို ဟာ ချဲလ်ဆီး နဲ့ အီတလီ လက်ရွေးစင် အသင်းတို့ရဲ့ ကွင်းလယ် ကို အကောင်းဆုံး ဦးဆောင်ပြီး
အောင်ပွဲတွေ ရှိရာကို မောင်းနှင် ပေးသွားခဲ့ ပါတယ် ။
UEFA ရဲ့ တနှစ်တာ အကောင်းဆုံး ကစားသမားဆိုကိုလည်း ရရှိထားသူ ဖြစ်ပါတယ် ။
၂ ။ ရောဘတ် လီဝန်ဒေါ့စကီး ( ဘိုင်ယန်မြုးနစ် )
ယခင် အဆင့် – ၂
၂၀၂၁ စွမ်းဆောင်ရည် – ၄၈ ဂိုးသွင်း ၊ ၇ ဂိုး ဖန်တီး
အောင်မြင်မှု – ဘွန်ဒစ်လီဂါ ၊ ကလပ် ကမ္ဘာ့ဖလား
၂၀၂၀ ခုနှစ် ရဲ့ ရွှေဘောလုံး ဆုရှင် ဖြစ်ခဲ့သင့်ပေမယ့် ဆုပေးပွဲ မဖြစ်မြောက် ခဲ့တာကြောင့်
နစ်နာ ခဲ့ရတဲ့ လီဝန်ဒေါ့စကီး ကတော့ သူဟာ ကောက်ရိုးမီး မဟုတ်ကြောင်းကို
ပြီးခဲ့တဲ့ ရာသီ မှာရော ဒီရာသီမှာပါ ဂိုးတွေ ဆက်သွင်းပြီး ပြသ နေခဲ့ ပါတယ် ။
၂၀၂၀ ဆုနဲ့ ကံဆိုးကာ လွဲခဲ့ရတာကြောင့် ပရိသတ်တွေ ရဲ့ စာနာမှု ကို ရရှိထားတဲ့ ပိုလန်သားကြီး ဟာ
ဒီနှစ် ဆု အတွက် လီယွန်နယ် မက်ဆီ ရဲ့ အဓိက ပြိုင်ဘက် ဖြစ်လာ နိုင်တယ်လို့ အလေးပေး ခံထားရသူလည်း ဖြစ်ပါတယ် ။
၁ ။ လီယွန်နယ် မက်ဆီ ( PSG )
ယခင် အဆင့် – ၁
၂၀၂၁ စွမ်းဆောင်ရည် – ၃၆ ဂိုးသွင်း ၊ ၁၄ ဂိုး ဖန်တီး
အောင်မြင်မှု – စပိန် ဘုရင့်ဖလား ၊ ကိုပါ အမေရိကဖလား
ရာသီသစ် မှာ အသင်းသစ် နဲ့ အသားမကျ ၊ ပုံစံကောင်း မပြ နိုင်သေးပေမယ့် မက်ဆီ ကတော့
ရွှေဘောလုံး ဆု အတွက် ထိပ်ဆုံးက ရေပန်း စားနေတုန်းပါပဲ ။
မနှစ်က ဘောလုံးရာသီမှာ ဘာစီလိုနာနဲ့ လောက်လောက် လားလား မအောင်မြင် ခဲ့ပေမယ့်
နွေရာသီမှာ ကျင်းပတဲ့ ကိုပါအမေရိကဖလား က အောင်မြင်မှုတွေဟာ မက်ဆီ ကို ရေပန်းစားမှု မှာ
နံပါတ် ၅ ကနေ နံပါတ် ၁ နေရာကို ခုန်တက် သွားစေခဲ့ ပါတယ် ။
ဆုပေးပွဲ ကတော့ ဒီဇင်ဘာ မှ ကျင်းပမှာပါ ။ လက်ရှိ အနေအထား အရတော့ မက်ဆီ ၊ လီဝန်ဒေါ့စကီး နဲ့ ဂျော်ဂျင်ဟို တို့ သာ နောက်ဆုံး စကာတင် ၃ ဦးထဲ ကို ပါဝင်ဖို့ ရှိနေပါတယ် ။
လက်ရှိ မှာ မက်ဆီ က ဦးဆောင် နေဆဲ ဖြစ်ပေမယ့် PSG မှာ ပုံစံကောင်းတွေ အမြန်ဆုံး ပြသနိုင်ဖို့တော့ လိုအပ် ပါတယ် ။
ဘာကြောင့်လည်း ဆိုတော့ လီဝန်ဒေါ့စကီး က ဂိုးသွင်းခြေ မှန်နေသလို ဂျော်ဂျင်ဟို ရဲ့ ချဲလ်ဆီး ကလည်း
ပြည်တွင်း မှာရော ဥရောပ မှာပါ အကောင်းဆုံး ပုံစံ ရရှိ နေတာပါ ။
ဒီဆုကြီး ကို မက်ဆီ ကပဲ ၇ ကြိမ်မြောက် ရယူသွားမလား ၊ ဒါမှ မဟုတ် ဆုရှင်သစ် ထွက်ပေါ်လာမလား ဆိုတာကိုတော့ စောင့်ကြည့် ကြပါစို့ဗျာ . . . . .
SPORTS MYANMAR
၎
င
၎
၎
